Löður er vinnustaður í fremstu röð!
19. febrúar 2025
Moodup veitir viðurkenninguna
Það er ánægjulegt að segja frá því að á dögunum hlutum við viðurkenningu frá Moodup fyrir að vera vinnustaður í fremstu röð árið 2024.
Moodup sér um mannauðsmælingar sem mæla starfsánægju og þar með eflir bæði stjórnendur, starfsumhverfið og bætir frammistöðu starfsfólks. Nafnleynd ríkir við kannanir og því örugg leið til að tjá sig um starfsumhverfið.
Til að hljóta þessa viðurkenningu þurfa fyrirtæki að mæla ánægju starfsfólks að minnsta kosti einu sinni á hverjum ársfjórðungi en við hjá Löður leggjum kannanir mánaðarlega fyrir okkar starfsfólk.
Fyrirtæki þurfa að bregðast við ábendingum og endurgjöf frá starfsfólki sem stjórnendur Löðurs bregðast við mánaðarlega í stjórnborði Moodup.
Að lokum þurfa fyrirtæki að ná árangursviðmiðum um starfsánægju í samanburði við aðra íslenska vinnustaði.
Við erum þakklát fyrir okkar frábæra starfsfólk og einstaklega stolt af þessari viðurkenningu enda leggjum við okkur mikið fram við að hlusta á okkar starfsfólk og veita þeim skemmtilegt starfsumhverfi. Besta leiðin til að gera viðskiptavini ánægða er að hafa ánægt starfsfólk.
Hlökkum til áframhaldandi gleði og löðrandi hamingju!
Löður hlaut viðurkenninguna “Fyrirmyndarfyrirtæki í rekstri árið 2024” sem veit er af Viðskiptablaðinu og Keldunni. Til þess að komast á lista Viðskiptablaðsins og Keldunnar þurfa fyrirtæki að uppfylla ströng skilyrði og eru einungis 2,9% fyrirtækja á Íslandi fyrirmyndarfyrirtæk í rekstri í ár. Við tökum því fagnandi á móti viðurkenningunni í fjórða sinn. Creditinfo hefur í þrettán ár vottað Framúrskarandi fyrirtæki í íslensku atvinnulífi fyrir góðan og traustan rekstur. Fyrirtækin á listanum eru í hópi 2,4% íslenskra fyrirtækja sem uppfylla ströng skilyrði greiningar Creditinfo á Framúrskarandi fyrirtækjum. Markmið greiningarinnar er að verðlauna þau fyrirtæki sem standa sig vel og stuðla þannig að bættu viðskiptaumhverfi. Framúrskarandi fyrirtæki byggja rekstur sinn á sterkum stoðum og efla hag fjárfesta og hluthafa. Það er því eftirsóknarvert að skara fram úr.
Við breytum og bætum á Fiskislóð
Löður er stoltur styrktaraðili Mottumars 2024 og heldur hátíðlega upp á mánuðinn, af því tilefni verður Löður með mikið í gangi í mánuðinum og við hvetjum viðskiptavini að fylgjast vel með!
Löður hefur tekið í notkun nýja snertilausa þvottastöð í Vestmannaeyjum, hjá dælum Orkunnar við Tvistinn á Faxastíg 36. Þvottastöðin var opnuð formlega miðvikudaginn 7. febrúar en daginn áður bauðst Eyjabúum að prófa hana milli kl. 13:00 og 18:00 án endurgjalds. Ekki hefur verið starfrækt bílaþvottastöð í Eyjum síðan fyrir aldamót og ríkir því almenn ánægja meðal Vestmannaeyinga með þetta framtak Löðurs. Með opnun í Vestmannaeyjum eru þvottastöðvar Löðurs orðnar 16 talsins: Af þeim eru 13 stöðvar á 11 mismunandi staðsetningum á höfuðborgarsvæðinu, svo er ein á Akureyri og ein í Reykjanesbæ. Þrjár þvottastöðvanna eru mannaðar: svampburstastöðin á Granda, snertilausa þvottastöðin á Dalvegi 22 í Kópavogi og svampþvottastöðin á Fitjum í Reykjanebæ. Löður stefnir á að vera ávallt í fremstu röð þegar kemur að verndun umhverfisins og kappkostar að gera allar sínar þvottastöðvar eins umhverfisvænar og mögulegt er. Allur úrgangur sem til fellur í starfsemi Löðurs er flokkaður til endurvinnslu og allt plast er endurunnið í samstarfi við Pure North. Við óskum Vestmannaeyingum til hamingju með hina nýju og glæsilegu þvottastöð um leið og við bjóðum þá velkomna með bílinn sinn í þvott allan sólarhringinn.
27 metra löng þvottagöng. Renndu við með bílinn í hátíðarbílaþvott!
Löður - Fyrirmyndarfyrirtæki í rekstri
Samþykktu byggingu Löður við Faxastíg
Bónaðu bílinn reglulega! Það verndar hann ekki aðeins gegn óhreinindum, heldur líka gegn áhrifum vegsalts sem hefur tærandi áhrif á lakkið og flýtir fyrir ryðmyndun. Notaðu snjófroðu á lakkið! Snjófroða er sérstök gerð af sápu sem hentar einstaklega vel til að fjarlægja uppsöfnuð óhreinindi og vegsalt af bílnum eftir vetrartímann. Þú berð bara froðuna á lakkið og leyfir að standa í nokkrar mínútur, og skolar svo af. Fjárfestu í háþrýstidælu! Besta leiðin til að þrífa bílinn reglulega yfir vetrartímann er með góðri háþrýstidælu. Það tekur ekki nema örfáar mínútur að þrífa mestu óhreinindin. Þú þarft samt að athuga fyrst hvort að lakkið á bílnum þoli háþrýstingsþvott, því annars getur salt komist í gegn um málninguna og valdið tæringu. Þurrkaðu bílinn strax eftir þrif! Í miklum kulda geta hurðir og rúður frosið þannig þú getir ekki opnað þær, ef þú passar ekki upp á að þurrka strax eftir þrif. Akið varlega! Á veturna er enn meiri ástæða til að flýta sér hægt og aka varlega heldur en á sumrin. Ekki bara öryggisins vegna, ef það skyldi vera hálka á vegum, heldur dregur það líka úr saltögnum sem kastast upp frá hjólbörðunum og geta skaddað lakkið. Með því að halda öruggri fjarlægð milli þín og bílanna fyrir framan þig kemurðu svo í veg fyrir að óhreinindi, möl og salt kastist frá þeirra dekkjum yfir á þinn eigin bíl.
Löður er á lista Viðskiptablaðsins og Keldunnar sem fyrirmyndarfyrirtæki í rekstri árið 2022. Við erum virkilega stolt af þessum árangri og tökum á móti viðurkenningunni fagnandi. Creditinfo hefur í þrettán ár vottað Framúrskarandi fyrirtæki í íslensku atvinnulífi fyrir góðan og traustan rekstur. Fyrirtækin á listanum eru í hópi 2% íslenskra fyrirtækja sem uppfylla ströng skilyrði greiningar Creditinfo á Framúrskarandi fyrirtækjum 2022. Markmið greiningarinnar er að verðlauna þau fyrirtæki sem standa sig vel og stuðla þannig að bættu viðskiptaumhverfi. Framúrskarandi fyrirtæki byggja rekstur sinn á sterkum stoðum og efla hag fjárfesta og hluthafa. Það er því eftirsóknavert að skara fram úr.
Fyrsta skóflustunga að nýrri þvottastöð Löðurs var tekin á Fitjum í vikunni. Þar mun Löður opna 27 metra löng þvottagöng. Afkastageta þeirra er um 60 bílar á klukkustund og verða allir regnbogans litir á leiðinni í gegnum stöðina svo um leið og við bíllinn er þrifinn fær viðskiptavinurinn skemmtilega upplifun. Bílar eru dregnir sjálfvirkt áfram í gegnum stöðina en starfsmenn verða á staðnum bæði til að forþvo bílana og leiðbeina viðskiptavinum. „Það er mikið tilhlökkunarefni að opna nýja stöð í Reykjanesbæ og þjónusta íbúa og aðra sem fara um svæðið eins vel og kostur er. Það er umhverfisvænna að þvo bílinn í bílaþvottastöð þar sem eru olíu- og sandskiljur sem taka við spilliefnum. Þetta er mikilvægur þáttur þegar verið er að nota ýmis efni til að þvo bílinn svo þau fari ekki beint í grunnvatnið okkar,” segir Elísabet Jónsdóttir, framkvæmdastjóri Löðurs. „Það er fagnaðarefni að fá öflugt fyrirtæki eins og Löður til Reykjanesbæjar. Langstærstur hluti ferðamanna sem koma til Íslands ár hvert eiga hér upphafs og endapunkt og því mikilvægt að hafa öfluga þvottastöð til að þrífa bílaflotann eftir ferð um landið. Þá verður þetta frábær þjónusta fyrir bæjarbúa á öflugu verslunar- og þjónustusvæði á Fitjum,” segir Guðlaugur Helgi Sigurjónsson, Sviðsstjóri Umhverfissvið í Reykjanesbæjar. Áætlað er að þvottastöðin opni í vetur en framkvæmdir eru þegar hafnar af fullum krafti. Löður kappkostar við að minnka kolefnisspor félagsins og er til dæmis allt plast sem fellur til við reksturinn endurunnið í samvinnu við Pure North.